कास्की । कास्की जिल्लामा प्रतिनिधि सभा सदस्य निर्वाचनका लागि मतदान कार्य उत्साहपूर्ण रूपमा अघि बढिरहेको छ।
जिल्ला निर्वाचन कार्यालयको पछिल्लो तथ्याङ्कअनुसार बिहीबार दिउँसो २स्१० बजेसम्म कुल १ लाख ३३ हजार ५ सय १७ मतदाताले मतदान गरिसकेका छन्। यो जिल्लाको कुल मतदाता संख्याको ४३।२७ प्रतिशत हो।
पछिल्लो विवरणअनुसार मतदानमा महिलाहरूको अग्रता कायमै छ। दिउँसो २स्१० बजेसम्म ६९ हजार २ सय ७६ महिला र ६४ हजार २ सय ४० पुरुषले आफ्नो मताधिकार प्रयोग गरेका छन् भने अन्य लिंगी १ जनाले मतदान गरेका छन्।
बिहानको तुलनामा दिउँसो मतदाताको चाप मतदान केन्द्रहरूमा थप बढेको देखिएको छ।
जिल्लाका १५३ वटै मतदान स्थलमा शान्तिपूर्ण वातावरणमा मतदान भइरहेको र सुरक्षा व्यवस्था चुस्त राखिएको प्रशासनले जनाएको छ।
मतदानको समय अब केही घण्टा मात्र बाँकी रहेकाले अन्तिम समयमा मत खस्ने दर अझ बढ्ने अनुमान गरिएको छ।
