काठमाण्डाै – जापान सरकारले दक्षिण एशियाली क्षेत्रीय सहयोग सङ्गठन (सार्क) सचिवालयलाई १ करोड २० लाख रुपैयाँ प्रदान गर्ने भएको छ ।
सचिवालय र जापान सरकारबीच सार्क–जापान विशेष कोषअन्तर्गतका कार्यक्रम कार्यान्वयन गर्न जापानले याे रकम प्रदान गर्न लागेको हो ।
सार्क सचिवालयका अनुसार सहयोगसम्बन्धी समझदारीपत्रमा सोमवार हस्ताक्षर भएको छ । सचिवालयमा आयोजित कार्यक्रममा सार्कका महासचिव गोलाम सरवर र नेपालका लागि जापानका राजदूत माएदा तोरुले सहमतिपत्रमा हस्ताक्षर गर्नुभएको सार्क सचिवालयले निकालेकाे विज्ञप्तिमा उल्लेख छ ।
याे कार्यक्रमले जापान र सार्क देशबीचको मैत्री, सहकार्य तथा आपसी सम्बन्ध सुदृढ बनाउन सहयोग पुग्ने विश्वास छ ।
अन्तिम अपडेट: फागुन २७, २०८२
