सर्लाही । प्रतिनिधिसभा निर्वाचनअन्तर्गत सर्लाही क्षेत्र नम्बर–४ मा मतगणना जारी रहँदा नेपाली कांग्रेसका सभापति गगनकुमार थापा पछि परेका छन्।
पछिल्लो मतपरिणाम अनुसार राष्ट्रिय स्वतन्त्र पार्टी (रास्वपा)का उम्मेदवार अमरेशकुमार सिंहले ९ हजार ३७ मत प्राप्त गर्दै अग्रता कायम गरेका छन्।
उनलाई पछ्याउँदै कांग्रेस सभापति थापाले ५ हजार ८२८ मत ल्याएका छन्। सभापति थापा हाल सिंहभन्दा ३ हजार २ सय ९ मतले पछि छन्।
त्यस्तै, अमनिशकुमार यादव (नेकपा एमाले) ले १ हजार ४२२ मत प्राप्त गरेका छन् भने राकेश मिश्र (जनमत पार्टी) को ४६८ मत रहेको छ।
निर्वाचन अधिकृतको कार्यालयले केहीबेरअघि सार्वजनिक गरेको अद्यावधिक विवरणअनुसार सर्लाही–४ मा मतगणना जारी रहेको छ।
