पोखरा । मुस्ताङमा हालसम्म करिब ५० प्रतिशत मतदान भएको छ । दिउँसो १ः१५ सम्म ४९.३५ प्रतिशत मत खसेको निर्वाचन कार्यालयका प्रमुख लोकेन्द्र ज्ञवालीले जानकारी दिए ।
उनका अनुसार अहिलेसम्म ५ हजार ५ सय ९१ मत खसेको हो । मतदानका लागि मतदाताहरूको उत्साहजनक सहभागिता देखिएको उनले बताए ।
हालसम्म पुरुष २ हजार ८ सय १७ र महिला २ हजार ७ सय ७३ र एक जना अन्यले मतदान गरिसकेको ज्ञवालीले जानकारी दिए ।
हालसम्म मतदान शान्तिपूर्ण रूपमा चलिरहेको मुख्य निर्वाचन अधिकृत कार्यालयले जनाएको छ ।
