अन्तर्राष्ट्रियदेशमधेस प्रदेशराष्ट्रिय समाचारशिक्षासूचना / प्रबिधि
अनमोलले साइन गरे ‘जेरी : द लास्ट क्लाइम्ब’, पटकथा लेख्दैछन् ब्रजेश
काठमाडौं । अभिनेता अनमोल केसी २०८२ सालको उनको हिट फिल्म ‘जेरी अन टप’ को दोस्रो श्रृंखलामा देखिने पक्का भएको छ । निर्माण स्रोतका अनुसार बुधबार बिहान अनमोल र निर्माताबीच यो फिल्मलाई लिएर लिखित सम्झौता भएको छ ।
फिल्मको शीर्षक तय छ- जेरी : द लास्ट क्लाइम्ब ।
फिल्मको पटकथा ब्रजेश खनालले लेखिरहेका छन् । ब्रजेशले सामाजिक संजालबाट काकु र भतिजाको नयाँ सहकार्य भन्दै फोटो सेयर गरेका छन् ।
अबको दुई-तीन महिना पटकथा लेखन सकिने जनाइएको छ । अनमोल अहिले ‘बाटुलो जुन’मा ब्यस्त छन् । २२ बैशाखमा यो फिल्मको सुटिङ सकिएपछि उनी सम्भवतः ‘ए मेरो हजुर’ को नयाँ सिक्वेलमा ब्यस्त हुनेछन् ।
त्यसपछि ‘जेरी’को नयाँ श्रृंखलाको काम अघि बढ्ने बुझिएको छ । ‘जेरी अन टप’ अनमोलको करिअरको सबैभन्दा धेरै कमाउने फिल्म हो ।
