मोरङमा विपद् उत्थानशीलता सुदृढ गर्न जापानी सहयोग, बाढी नियन्त्रण आयोजनाको हस्तान्तरण

मोरङ । मोरङ जिल्लामा जलवायु परिवर्तनका कारण बढ्दै गएको बाढीको जोखिम न्यूनीकरण र समुदायको उत्थानशीलता सुदृढ गर्ने उद्देश्यले सञ्चालित एक विशेष आयोजना सम्पन्न भएको छ। जापानी सरकारको सहयोगमा निर्माण गरिएका बाढी प्रतिकार्यका उपाय तथा संरचनाहरू गत बुधबार एक विशेष समारोहका बीच समुदायलाई हस्तान्तरण गरिएको हो

जापान सरकारको आर्थिक सहयोग तथा जापानी गैरसरकारी संस्था साप्ला नीर (सिटिजन्स कमिटी इन जापान फर ओभरसिज सपोर्ट) द्वारा कार्यान्वयन गरिएको यस परियोजनाले मोरङका बाढी प्रभावित क्षेत्रका बासिन्दाहरूको सुरक्षा र पूर्वतयारी क्षमता बढाउन जोड दिएको छ। हस्तान्तरण समारोहमा काठमाडौँस्थित जापानी दूतावासका उप–प्रमुख शिन्तो यासुहारुले सहभागिता जनाउँदै आयोजनाको उपलब्धिबारे खुसी व्यक्त गरेका छन्।

समारोहलाई सम्बोधन गर्दै उप–प्रमुख शिन्तोले यस परियोजनाको अनुभव र सिकाइबाट मोरङ जिल्ला विपद् उत्थानशीलताका क्षेत्रमा मुलुककै अग्रणी र नमुना समुदायको रूपमा स्थापित हुने विश्वास व्यक्त गरे। जलवायु परिवर्तनले निम्त्याएका प्राकृतिक प्रकोपहरूसँग लड्न स्थानीय तहमै क्षमता विकास गर्नु अनिवार्य रहेको उनको भनाइ थियो।

जापानले नेपालमा विपद् व्यवस्थापन र पूर्वाधार विकासमा लामो समयदेखि सहयोग गर्दै आएको सन्दर्भमा यो आयोजनाले मोरङका बाढी जोखिमयुक्त क्षेत्रका नागरिकहरूको जीवनस्तर र सुरक्षामा प्रत्यक्ष टेवा पुग्ने अपेक्षा गरिएको छ। साप्ला नीरले स्थानीय समुदायको सक्रिय सहभागितामा बाढी नियन्त्रणका लागि विभिन्न प्रविधि र सचेतनामूलक कार्यक्रमहरू सञ्चालन गर्दै आएको थिय