काठमाडौं । अमेरिका–इरान शान्ति वार्ताअघि इजरायल र पाकिस्तान बीचको तनाव बढेको छ ।
पाकिस्तानी रक्षामन्त्री ख्वाजा आसिफले इजरायललाई लेबनानमा नरसंहार गरेको आरोप लगाएपछि तनाव बढेको हो ।
‘इजरायल दुष्ट छ र मानवताको लागि अभिशाप हो, जबकी इस्लामाबादमा शान्ति वार्ता चलिरहेको छ, लेबनानमा नरसंहार भइरहेको छ ।’ आसिफले भने । उनका अनुसार इस्लामाबादमा शान्ति वार्ता चलिरहेको बेला लेबनानमा नरसंहार भइरहेको छ । इजरायलले पहिले गाजामा, त्यसपछि इरानमा र अब लेबनानमा निर्दोषहरूलाई मारिरहेको छ ।
आसिफले सामाजिक सञ्जालमा लेखेका छन्, ‘इजरायलद्वारा निर्दोष नागरिकहरू मारिएका छन्, पहिले गाजा, त्यसपछि इरान र अब लेबनान, रक्तपात निरन्तर जारी छ । म आशा गर्छु र प्रार्थना गर्छु कि प्यालेस्टिनी भूमिमा यो क्यान्सरग्रस्त राज्य सिर्जना गर्ने मानिसहरूले युरोपेली यहूदीहरूलाई नर्कमा जल्नबाट छुटकारा पाऊन् ।’
इजरायली प्रधानमन्त्रीको कार्यालयले आसिफको भनाइलाई आपत्तिजनक भनेको छ । कार्यालयले आसिफको बयान अस्वीकार्य गर्दै यो बयान इजरायलको विनाशको माग जस्तै हो भनेको छ ।
