जुम्ला । जुम्लामा जारी मतगणनाको प्रारम्भिक परिणाममा राष्ट्रिय प्रजातन्त्र पार्टी (राप्रपा) का उम्मेदवार ज्ञानेन्द्र शाहीलाई फराकिलो अग्रता बनाएका छन् ।
कनकासुन्दरी गाउँपालिकाका वडाहरूको मतगणना सकिँदै जाँदा शाहीले बलियो स्थिति बनाएका हुन् ।
कनकासुन्दरी गाउँपालिका–१, २, ३ र ४ को हालसम्म कुल २ हजार ७ सय ८८ मत गणना हुँदा शाहीले १ हजार ४ सय ५८ मत प्राप्त गर्दै पहिलो स्थान कायम गरेका छन् । प्रारम्भिक मतपरिणाम अनुसार उनी आफ्ना निकटतम प्रतिस्पर्धी भन्दा ७ सय भन्दा बढी मतले अगाडि देखिएका छन् ।
मतगणनाको हाल सम्मको विवरण अनुसार नेकपा उम्मेदवार नरेश भण्डारीले ७ सय ५७ मत प्राप्त गर्दै दोस्रो स्थानमा रहेका छन् । उनी शाही भन्दा ७ सय १ मतले पछि परेका छन् ।
त्यसैगरी नेपाली कांग्रेसका उम्मेदवार दीपबहादुर शाहीले ३ सय ४९ मत प्राप्त गर्दै तेस्रो स्थानमा छन्। अन्य प्रतिस्पर्धीहरूमा शान्तिलाल महतले १ सय १२ मत प्राप्त गरेका छन् भने बिनिता कठायतले २३ मत पाएकी छन् ।
मतगणनाका क्रममा हालसम्म ७४ मत बदर भएको मुख्य निर्वाचन अधिकृतको कार्यालयले जनाएको छ।
बिहीबार सम्पन्न निर्वाचनमा जुम्ला जिल्लामा कुल ७१ हजार ७ सय ३९ जना मतदाता सूचीकृत रहेका थिए।
तीमध्ये ४० हजार ८ सय ९७ मत खसेको निर्वाचन कार्यालयले जनाएको छ।
