काठमाडौँ । नेपाली कम्युनिस्ट पार्टीकाे निर्वाचन परिचालन समितिको बैठक सुरु भएको छ । केन्द्रीय कार्यालय पेरिसडाँडामा बैठक सुरु भएको हो
फागुन २१ मा हुने प्रतिनिधिसभा सदस्य निर्वाचनबारे समीक्षा गर्न बैठक बोलाइएको नेता प्रमेश हामलले जानकारी दिए ।
‘केन्द्रीय निर्वाचन परिचालन समितिको बैठक बोलाएका हौँ । निर्वाचनबारे सूक्ष्म समीक्षा हुन्छ । स्थानीय पार्टी कमिटीले दिएको रिपोर्टअनुसार देशभर नेकपाको राम्रो स्थिति बनेको छ । यी लगायत वस्तुनिष्ठ ढङ्गले चुनावको तयारीबारे समीक्षा हुन्छ’, उनले भने ।
बैठक लगत्तै नेकपाले पत्रकार सम्मेलन गर्न लागिएको उनले जानकारी दिए ।
